Казан - бөтен дөньяда кар барсларын өйрәнү буенча фикер алышу мәйданына әйләнде

Казан - бөтен дөньяда кар барсларын өйрәнү буенча фикер алышу мәйданына әйләнде. Татарстан башкаласында 3 көн дәвамында конференция барды һәм 12 илдән 180ләп белгечне берләштерде. 

Кар барсын саклау бүген төп экологик бурычларның берсе. Һәм киләчәк буын алдында уртак җаваплылык, ди Рөстәм Миңнеханов халыкара конференциянең пленар утырышында.

Казан резолюциясе нигезендә җир шарында кар барсларын саклау, аларның санын арттыру буенча төрле илләр тарафыннан уртак эшчәнлек алып барылачак. Татарстанда шушы юнәлешкә зур этәргеч бирелде.