Татарстанда сабыйларга нинди исемнәр кушканнар? Паулина, Латиф һәм Әлфинә

Узган атнада, 17 марттан 23 мартка кадәр, Гражданлык хәле актларын теркәү идарәсенең Казан бүлекләрендә 306 бала - 152 малай һәм 154 кыз тууы теркәлгән, дип хәбәр итә Казан мэриясе матбугат хезмәте. 115 пар үз никахларын рәсмиләштергәннәр.

Атнаның иң популяр исемнәр арасында Арсений, Әмир, Тимур, Марк, Эмиль, Алан, Артур, Аяз, Рамазан, Алина, Асель, Аделина, Ульяна, Лиана, Кира, Малика, Ралина, Мәдинә һәм Ева.

Иң сирәк исемнәр - Спартак, Киан, Эльман, Батыр, Сөләйман, Кайри, Аман, Илфар, Арнур, Замир, Фатыйх, Адиль, Сабир, Иван, Эльмак, Розалина, Мириам, Нэлли, Влада, Рузана, Ая, Паулина, Латиф, Әлфинә, Агата, Русалин һәм Эллая булган.

Фото: ТНВ