Рөстәм Миңнеханов "Ак Барс" уенчыларына: "Сезнең өчен Татарстанда гына түгел, башка төбәкләрдә дә җан аталар"

Кичә Рөстәм Миңнеханов "Ак Барс" хоккейчылары һәм тренерлары белән очрашты. Иртәгә "Ак Барс" плей-офф сериясен башлый.

Татарстан Рәисе командага уңышлар теләде. "Сезнең өчен Татарстанда гына түгел, башка төбәкләрдә дә җан аталар, без - тугры тамашачыларыгыз" - диде ул.

Иң мөһиме - бирешмәскә, ахырга кадәр нык булып торырга! Рөстәм Миңнеханов үзе дә хоккей уйнарга ярата. Шуңа егетләргә иң кирәкле киңәшләрен җиткерде. Плей-оффта беренче көндәш - узган елдагыча "Автомобилист" булачак.

"ТНВ-Татарстан" һәм "ТНВ-Планета" каналлары "Ак Барс"ның плей-офф матчларын туры трансляциядә күрсәтәчәк.