Казанда Батыршин урамында транспорт хәрәкәтен өлешчә чикләячәкләр

Казанда Батыршин урамы буенча юлның төрле участокларында транспорт хәрәкәте өч айга диярлек чикләнәчәк. Бу магистраль җылылык үткәргечен реконструкцияләү белән бәйле, дип яза шәһәр мэриясе матбугат хезмәте.

1 июньнән 31 августка кадәр юлның түбәндәге участокларында транспорт хәрәкәтен өлешчә туктатачаклар:

Коләхмәтов урамыннан Батыршин урамы буенча 18/20 нче йортка кадәр;

Батыршин урамындагы 18/20 нче йорттан 28а нчы йортка кадәр;

Батыршин урамы 28А йорттан Чкалов урамына кадәр.

Батыршин урамындагы 18/20 нче йортның борылышын тулысынча ябачаклар.

Фото: ТНВ