Казанның Зәйни Солтан һәм Габдулла Тукай урамнарында транспорт хәрәкәтен чикләячәкләр

Казанның Вахитов районының Зәйни Солтан һәм Габдулла Тукай урамнарында транспорт хәрәкәте чикләнәчәк. Сәбәбе - җылылык үткәргеченә капиталь ремонт ясау, дип яза шәһәр мэриясе матбугат хезмәте.

20 июньнән 15 июльгә кадәр Зәйни Солтан урамында, Каюм Насыйри урамыннан Габдулла Тукай урамына кадәр юлда, шулай ук өлешчә Габдулла Тукай урамында, 55 һәм 58 нче биналар тирәсендәге транспорт юлында хәрәкәт тулысынча туктатылачак.

Фото: ТНВ