Йөкле студент хатын-кызларга бер тапкыр 100 мең сум түләнәчәк

Татарстанда яңа төр социаль ярдәм кертелде. Йөкле студент хатын-кызларга бер тапкыр 100 мең сум түләнәчәк. Бу акча көндезге бүлектә укучыларга бирелә. 

1 ноябрьдән яшь гаиләләр өчен бәби кирәк-яракларын прокатка алу урыннары да ачылачак. Ә киләсе елдан яшь әниләр социаль бәби караучы хезмәтеннән файдалана ала. 

Мондый ярдәм чаралары Рөстәм Миңнеханов тәкъдиме белән булдырыла. Татарстанда яшәүче 30 дан артык студент акча алу өчен инде гариза язган. Теманы Эльмира Имамиева дәвам итәр.