Казанлылар көн саен юынтык су белән 9 тонна чүп агыза

Казанлылар көн саен юынтык су белән 9 тонна чүп агыза. Телефон, балалар уенчыклары, туралмаган яшелчәләргә кадәр очрый.

Бу - "Водоканал" хезмәткәрләре канализация чокырларыннан тартып чыгара торган, сирәк күзәтелүче калдыкларның бер өлеше генә. Нәтиҗәдә, торбалар да тыгыла, юынтык суны эшкәртү җайланмалары да сафтан чыга.

Гигиена кирәк-яракларын унитазга салып агызу - миллионлаган чыгымнар китерә дигән сүз. Торбалардан алынган кайбер табылдыкларны Рүзәл Шәрипов күреп кайтты.