Казанда фейерверклар җибәрү өчен дүрт аерым мәйданчык әзерләгәннәр

25 декабрьдән Казанда янгынга каршы махсус режим гамәлгә керәчәк. Фейерверкларны шәһәрнең һәр районында аерым билгеләнгән мәйданчыкларда гына җибәрергә рөхсәт ителә, дип кисәтә шәһәр мэриясе матбугат хезмәте.

Фейерверкларны түбәндәге территорияләрдә җибәрергә мөмкин булачак:

Авиатөзелеш һәм Яңа Савин районнарында – Гаврилов урамындагы мәйдан;

Вахитов һәм Идел буе районнарында – Мирный бистәсенең Каенлыгында «Сабантуй» мәйданчыгы каршындагы транспорт кую урыны;

Киров һәм Мәскәү районнарында – «Нижнее-Заречная дамба» («Түбән елга аръягы дамбасы») гидротехник корылмасы;

Совет районында – «Казан ипподромы» районында урнашкан җир участогы.

Фото: Сгенерировано ИИ