Иртәгә Казанның төп чыршысында Яңа ел утлары кабыначак

Иртәгә, 23 декабрьдә, "Казан" гаилә үзәге янында шәһәрнең төп чыршысын ачу тантанасы була. Заманча якты утлар белән бизәлгән чыршы биеклеге 35 метрга җитә.

Бәйрәм тантанасында шәһәр халкына, кунакларга интерактив тамаша әзерләнә, ачык һавада «Кышкы пейзажлар» күргәзмәсе, мәйданда бәйрәм рухында сәүдә рәтләре эшләячәк, артистлар, җырчылар чыгышлары көтелә, дип хәбәр итә шәһәр мэриясе матбугат хезмәте.

Чыршы ачылышы 18:00 сәгатьтә башлана.

Фото: kzn.ru, Денис Гордийко