Илсур Метшин журналистлар белән очрашуда быел башкарылган эшләргә йомгак ясады

Казан мэры Илсур Метшин журналистлар белән очрашуда быел башкарылган эшләргә йомгак ясады. Шәһәрдә коммуналь челтәрләр тузган, тиздән чираттагы чүп полигоны тула, юллардагы бөкеләрдән арыну өчен шәһәргә дублер юл кирәк.

Торак төзелеше буенча рекорд куелган, туристларның саны арта, шәһәрдә уңайлы мохит булдырылган. Быел рекордлы мәйданда бистә юллары төзекләндерелә.

Җәмигъ мәчетен төзү, башкаланың зооботаника бакчасын үзгәртү, канат юлын ясый башлау хакында сөйләштеләр. Казанлыларны тагын нинди яңалыклар көтә? Инзилә Хөсәенова репортажында.