Бүген Совет районында өч Яңа ел чыршысын ачу бәйрәме үткәрелә

Бүген, 25 декабрьдә, Казанның Совет районы Яңа ел чыршыларында тантаналы рәвештә бәйрәм утлары кабыначак. Бу уңайдан җыр-биюләр, утлы тамашалар һәм Яңа ел персонажлары катнашында күңелле чаралар әзерләнгән, дип хәбәр итә шәһәр мэриясе матбугат хезмәте.

Чаралар районның өч мәйданчыгында үтә:

– 17:00 сәгатьтә Азино-2 микрорайонында,

– 18:00 сәгатьтә Вознесение бистәсендә,

– 18:00 сәгатьтә Царицыно торак массивында.

Барлык мәйданчыкларда да казанлыларны, шәһәр кунакларын, балаларны һәм олыларны интерактив программалар, бәйгеләр һәм күңелле уеннар көтә.

Фото: сгенерировано ИИ