Түбәләр боздан чистартылмый: идарәче оешмаларга миллион сумлык штраф яный

Быел һава торышының гел үзгәреп торуы, карның күп явуы - йорт түбәләрендә кар катламнарын калынайтты һәм озын боз сөңгеләре хасил булды.

 Күбесе - җәяүлеләр юлы һәм машина кую урыннарында асылынып тора. Ай башыннан 2 автомобильгә зыян салынган инде. Хәзер - идарәче оешмалар - хуҗаларына зур суммалар түләргә тиеш.

Түбәне вакытында чистартмаган өчен 1 миллион сумга кадәр штраф салырга мөмкиннәр. Боз сөңгеләре асылынган йортлар Казанның һәр районында бар диярлек. Шәһәр урамнарыннан бүген Рүзәл Шәрипов узды.