Казан урамнарыннан тәүлек эчендә 28,6 мең тонна кар чыгарылды

Казанда узган тәүлектә урам-юл челтәрен кардан чистартуга 1056 махсус техника һәм 659 юл хезмәткәре җәлеп ителә. Шәһәр урамнарыннан 28,6 мең тонна кар чыгарылды. Бозга каршы материаллар 274 тонна тотылды: 16 тонна реагент һәм 258 тонна ком-тоз катнашмасы, дип хәбәр итә шәһәр мэриясе матбугат хезмәте.

Тышкы төзекләндерү комитетында хәбәр итүләренчә, февраль аенда Казанда явым-төшем күләме айлык норманың 196% ын тәшкил итә.

Кышкы сезон башыннан алып шәһәрдән барлыгы 1 млн 107 мең 750 тонна кар чыгарылган, ә юлларны эшкәртү өчен 56,2 мең тонна бозга каршы материал тотылган.

Фото: сгенерировано ИИ