Казанда тәүлек эчендә күпфатирлы йортларның 178 түбәсе кар һәм боздан чистартылган

Казанда тәүлек эчендә күпфатирлы йортларның 178 түбәсе кар һәм боздан чистартыла. Шәһәрдә барлыгы 2084 авыш түбә исәпләнә, шуларның 578е тәртипкә китерелгән. Бу гомуми күләмнең 28%ын тәшкил итә, дип хәбәр итә шәһәр мэриясе матбугат хезмәте.

Түбәләр буенча эшләрнең иң зур өлеше Киров һәм Мәскәү районнарында башкарылган — бер тәүлектә 63 түбә чистартылган. Вахитов һәм Идел буе районнарында — 50. Авиатөзелеш һәм Яңа Савин районнарында 28 түбә тәртипкә китерелгән, Совет районында — 37.

Исегезгә төшерәбез, Рөстәм Миңнеханов барлык җаваплы хезмәтләргә түбәләрне кардан чистарту эшен контрольдә тотуны көчәйтергә кушты. 

Фото: Сгенерировано ИИ