Казанда электр энергиясенә тоташмыйча гына 30 чакрым юл уза алган яңа троллейбусны сынап карый башладылар

Казанда яңа троллейбусны сынап карый башладылар. Аның үзенчәлеге шунда - ул электр энергиясенә тоташмыйча гына 30 чакрым юл уза ала. Димәк, үз полосасында транспорт бөкеләре булса, аларны да урап үтәчәк.

Зарядканы яңа троллейбус хәрәкәт вакытында җыя. Бүген аның ничек эшләвен Казан мэры Илсур Метшинга күрсәттеләр. Троллейбус шәһәр маршрутларында пассажирларны кайчан йөртә башлар? - бу хакта киләсе репортажда сөйләрбез.