Казанда узган тәүлектә күпфатирлы йортларның 185 түбәсе кар һәм боздан чистартылган

Казанда узган тәүлектә күпфатирлы йортларның 185 түбәсе кар һәм боздан чистартылган. Шәһәрдә барлыгы 2 090 кыек түбә исәпләнә, шуларның 1 349ы бүгенгә тәртипкә китерелгән. Шулай итеп, эшләр гомуми планның 65%ын тәшкил итә, дип хәбәр итә шәһәр мэриясе матбугат хезмәте.

Иң күп түбәләр Совет районында чистартылган — 75. Киров һәм Мәскәү районнарында 64 түбә тәртипкә китерелгән, Вахитов һәм Идел буе районнарында — 29. Әвиатөзелеш һәм Яңа Савин районнарында тагын 17 түбә чистартылган.

Шул ук вакытта йорт яны территорияләрен чистарту да дәвам итә. 4 177 ишегалдыннан 3 976сы кардан арындырылган — бу гомуми күләмнең 95%ы. Бер тәүлектә ишегалларын чистартуга 1 333 ишегалды җыештыручы һәм 191 махсус техника берәмлеге чыккан.

Фото: сгенерировано ИИ