Казанлылар зары: ишегаллары чүплеккә әйләнгән

Буран тынды, ишегаллары кардан чистартылды, әмма техника әле һаман да чүп-чарны чыгарып бетерә алмый. Башкаладагы кайбер ишегаллары чүплекне хәтерләтә. 

Аны ташучы машиналар 2 атна кермәде, дип зарлана казанлылар. "Халык контроле" порталына бер атнада 200ләп мөрәҗәгать килгән. Казан янындагы районнарда яшәүчеләр дә яза. Төбәк операторы кайбер чүп контейнерлары янына кереп булмый, ди. 

Элегрәк - кар чистартылмаганга, хәзер савытлар янында җыелган чүп комачаулый. Тулырак Алия Сабирова.