Казанның Әбҗәлилов урамындагы куркыныч манаралы йортны кайчан төзекләндерерләр?

Казанның Әбҗәлилов урамындагы тарихи йорт яныннан узып йөрүчеләр бүген бозлавыктан да, өстәге кардан да түгел, ә башларына кирпеч төшүдән курка. Аның манарасы шулкадәр таушалган ки, хәтта таш кисәкләре куба башлаган.

Әлеге бина 50нче еллар уртасында ук төзелгән. Заманында һава һөҗүменнән саклану өчен күзәтү урыны булып хезмәт иткән. Бүген безнең иҗат төркеме ачыклаганча, бинаның 5 хуҗасы бар икән. Әмм алар әлегә аны тәртипкә китерергә ашыкмый. Хәтта суд утырышларына килмәгәннәр. Кадерсез тарих турында - Нәфисә Минәҗева.