30 апрельдән Казаннан Геленджикка туры рейслар ачыла

30 апрельдән Казаннан Геленджикка туры авиарейслар эшли башлаячак. Бу хакта Татарстан башкаласының халыкара аэропорты матбугат хезмәте хәбәр итте.

Очышлар атнага ике тапкыр – пәнҗешәмбе һәм якшәмбе көннәрендә башкарылачак. Самолетлар иртәнге 6:15тә очып китәчәк. Рейслар Россиядә җитештерелгән SSJ‑100 очкычларында үтәчәк.

Яңа маршрут Идел буе халкы өчен Кара диңгез яр буена барып җитүне җиңеләйтәчәк. Ул шулай ук «Туризм һәм кунакчыллык» милли проекты максатларын гамәлгә ашыруга да ярдәм итә.

Фото: ru.freepik.com