Казанның Горький урамында авария хәлендәге канализация коллекторын алыштыралар

Казанның Горький урамында 1963 елда салынган канализация коллекторының авария хәлендәге өлешен алыштыру эшләре бара. Эшчеләр диаметры 160 мм булган якынча 50 метр озынлыктагы яңа торба сузачак. Бу хакта шәһәр мэриясе матбугат хезмәте хәбәр итә.

Төзекләндерү эшләре берничә сәбәп аркасында катлаулана: коллектор машиналар йөри торган юл астыннан уза, анда катнаш инженер челтәрләре бар, ә торба 4 метр тирәнлектә урнашкан.

Ремонт һәм территорияне төзекләндерү эшләрен бу атна ахырына кадәр тәмамларга ниятлиләр.

Фото: ТНВ