Казанны күселәр баскан: нигә үрчегәннәр, ничек көрәшәләр?

Казанны - күселәр баскан. Алар машина эченә кереп оя коралар, агачларга менәләр, кешеләрдән курыкмыйлар. Кимерүчеләр шәһәрнең нәкъ үзәгендә - туристлар күпләп йөргән урыннарда үрчи. Совет һәм Авиатөзелеш районнарында яшәүчеләргә дә тынгы бирмиләр.

Күселәрне агулауларын сорап, 20 гариза җибәргәннәр, алар белән көрәшкә - 17 миллион сум акча бүлеп бирелгән. Бу - узган елгы суммадан артыграк. Шул ук вакытта 57 кеше тычкан бизгәге йоктырган. Кимерүчеләргә каршы көрәш турында Сиринә Васильева сөйләр.