Казанда «VK Fest» вакытында кайбер урамнарда хәрәкәт чикләнәчәк

Татарстан башкаласында «VK Fest» фестивален әзерләү һәм үткәрү чорында Сибгать Хәким һәм Бондаренко урамнарында транспорт хәрәкәте һәм парковка вакытлыча чикләнергә мөмкин. Бу хакта шәһәр мэриясе матбугат хезмәте хәбәр итә.

Чикләүләр 6 июнь 20:00дән 8 июнь 07:00гә кадәр гамәлдә булачак.

Алар түбәндәге юл участокларына кагыла:
– Сибгать Хәким урамы — Декабристлар урамыннан Абсалямов урамына кадәр (ике юнәлештә дә);
– Бондаренко урамы — Солдат урамыннан Сибгат Хәким урамына кадәр (ике юнәлештә дә).

Фото: ТНВ