Казанда Декабристлар урамындагы участокта хәрәкәт чикләнәчәк

Казанда 25 июньнән 28 октябрьгә кадәр Декабристлар урамындагы 179, 181 һәм 183нче йортлар янындагы проезд участогында транспорт хәрәкәте һәм җәяүлеләр узуы чикләнәчәк. Чикләүләр канализация коллекторын реконструкцияләүгә бәйле рәвештә кертелә. Бу хакта шәһәр мэриясе хәбәр итә.

Эшләр вакытында биредә юл йөрү өлешен тулысынча да, өлешчә дә ябу күздә тотыла, шулай ук тротуар да тулысынча ябылачак.

Төзелеш эшләренең барышына карап, хәрәкәт этаплап чикләнәчәк.

Фото: ТНВ