Казанда Щербаков тыкрыгы белән Артём Айдинов урамы чатында хәрәкәт чикләнәчәк

Татарстан башкаласында Щербаков тыкрыгы белән Артём Айдинов урамы киселешендә транспорт хәрәкәте өлешчә чикләнәчәк. Чикләү яңгыр сулары канализациясенең инженер челтәрләрен төзү эшләре белән бәйле, дип хәбәр итә шәһәр мэриясе матбугат хезмәте.

Транспорт хәрәкәте 1 июльдән 16 июльгә кадәр көн саен 10:00 сәгатьтән 19:00 сәгатькә кадәр һәм 21:00 сәгатьтән 5:00 сәгатькә кадәр чикләнәчәк. Чикләүләр Старая урамындагы 7 нче йорт тирәсендәге участокта гамәлдә булачак.

Шушы вакыт аралыгында әлеге участокта җәяүлеләр хәрәкәте дә өлешчә чикләнәчәк.

Фото: ТНВ