4 һәм 5 июльдә Казанда ике автобус маршруты туктатылачак

4 һәм 5 июльдә Казанда велоспорт буенча Россия чемпионаты уздыру сәбәпле транспорт хәрәкәтенә вакытлыча чикләүләр кертеләчәк. Бу хакта шәһәр мэриясенең матбугат хезмәтендә хәбәр иттеләр.

Ярышлар вакытында №28 һәм №28а автобус маршрутларының эше тулысынча туктатылып торачак. Ә №22 һәм №89 маршрутлары урап узу юнәлешләре буенча йөриячәк.

Шәһәр халкын һәм Казан кунакларын вакытлы үзгәрешләрне исәпкә алып, юлларын алдан планлаштырырга чакырдылар.

Фото: ТНВ