Казанда «Новая волна 2026» көннәрендә кайбер урамнарда хәрәкәтне чикләячәкләр

Татарстан башкаласында кирәк булган очракта берничә урам буйлап транспорт хәрәкәте чикләнәчәк. Моңа «Новая волна 2026» конкурсын үткәрү сәбәпче булды.

Шулай итеп, 19 август 00:00 сәгатьтән 26 август 23:59 сәгатькә кадәр «Ак Барс Арена» стадионы тирәли әйләнеш юлы ябылачак.

Кирәк булган очракта түбәндәге урамнарда хәрәкәт һәм машина кую чикләнәчәк:

Академик Арбузов урамы — Журналистлар урамыннан Ямашев проспектына кадәрге участокта, Журналистлар урамыннан хәрәкәт иткәндә;

Гаврилов урамы дублеры — Маршал Чуйков урамыннан Чистай урамына кадәр;

Сибгат Хәким урамы — Фатыйх Әмирхан урамыннан Чистай урамына кадәр, ике якка да;

Чистай урамы — Абдулла Бичурин урамыннан Ямашев проспектына кадәр, Абдулла Бичурин урамыннан хәрәкәт иткәндә, Фатыйх Әмирхан урамына төшү урынын исәпкә алмаганда;

Чистай урамы — Ямашев проспектыннан Адоратский урамына кадәр, Ямашев проспектыннан хәрәкәт иткәндә;

Ямашев проспекты — Адоратский урамыннан Себер трактына кадәр, ике якка да.

Исегезгә төшерәбез: 20–26 августта Казанда халыкара музыкаль конкурс «Новая волна» узачак. Быел төп бүләк өчен биш илдән — Әрмәнстан, Беларусь, Казахстан, Грузия һәм Россиядән — 13 финалист көрәшәчәк. Катнашучылар арасында Татарстан вәкиле Игнат Изотов та бар.

Фото: ТНВ