Казанда танылган журналист Елена Чернобровкина вафат булган

71-нче яшендә танылган Казан журналисты Елена Чернобровкина вафат булды, дип "Татар-информ" мәгълүмат агентлыгы хәбәр итә.

90-нчы елларда Чернобровкина Татарстанның иң күренекле журналистларының берсе булган. Берничә ел дәвамында "Вечерняя Казань", "Новая Вечерка" газеталарында, аннан соң "БИЗНЕС Online" газетасында эшләгән.

Елена Чернобровкина шулай ук китаплар язу белән шөгыльләнгән, бу юнәлештә ул Елена Гурьянова тәхәллүсе астында эшләгән. Аның әсәрләре фантастик детективлар жанрында язылган.

Фото: телеграм-канал «ТАТМЕДИА»