"Болгар радиосы" татар телле радиолар арасында беренчелекне алды

"Болгар радиосы" Татарстанның иң популяр татар телле радиостанцияләр рейтингында беренче урынны алды. Тиешле тикшеренүне «Новые медиа» АНО белгечләре үткәрде.

Сораштыру «ВКонтакте» һәм "Telegram"да узган. Барлыгы 5 000нән артык кеше катнашты. «Болгар радиосы» 1 950 тавыш җыйган, «Татар радиосы» - 1 300.

"Китап" радиосы өченче урынны алган. Тавыш бирүдә сигез милли радиостанция катнашкан: «Курай», «Күңел», «Татар радиосы», «Китап», «Тәртип», «Болгар радиосы», «Дулкын» һәм «Татарстан радиосы».

Фото: vk.com/bolgarradioclub