Казанда "Бәллүр каләм" - Республика журналистлары конкурсы лауреатларын бүләкләделәр

Казанда матбугат көне уңаеннан "Бәллүр каләм" - Республика журналистлары конкурсы лауреатларын бүләкләделәр. Һөнәри бәйрәм 19 майга туры килде. Ул көнне каләм ияләре Казан форумы, Изге Болгар җыены кебек зур вакыйгаларны яктыртты.

Кичә Татарстанның иң яхшы массакүләм мәгълүмат чараларын, каләм ияләрен, видеоператор, фотографларын билгеләп үттеләр. Быел мең ярымнан артык иҗади эш кабул ителгән. Иң-иңнәренә "Бәллүр каләм" сыннары тапшырылды. Җиңүчеләр арасында журналистикага бөтен гомерен багышлаучылар да, яшь авторлар да бар. Без хезмәттәшләребезне дә котлыйбыз. Рүзәл Шәрипов репортажы.


Фото: ТНВ, Никита Никитин