Камал театры артистларына мактаулы исем бирелде

Камал театры артистлары Раил Шәмсуаров, Гөлчәчәк Хәмәдинурова, Алмаз Гәрәев, Ирек Кашапов һәм Айгөл Миңнуллинага атказанган артист исеме тапшырылды.

Реквизитлар цехы мөдире Разия Гәрәевага «Татарстан Республикасының атказанган хезмәткәре» исеме, ә тегүче Наилә Ваһаповага «Фидакарь хезмәт өчен» медале тапшырылды.

Дәүләт бүләкләрен Татарстан Республикасы мәдәният министры Ирада Әюпова тапшырды. Бүләкләү тантанасы мәдәният Министрлыгында узды.

Чыганак һәм фото: Камал театры