Казанда Рәшит Ваһаповка һәйкәл куелачак

Казанда ТАССРның халык артисты Рәшит Ваһаповка һәйкәл кую турындагы карарны ТР Хөкүмәте башлыгы Алексей Песошин имзалаган.

Документта һәйкәлнең Павлюхин һәм Назарбаев урамнары киселешендә урнашкан Татар дәүләт филармониясе янындагы скверда урын алачагы турында әйтелә.

Татарстан башкаласы башкарма комитетына аны урнаштыру һәм якындагы территорияне төзекләндерү эшләре йөкләнә.

Фото: tatarica.org