Башкала - Болгар арасы - Велоэстафетадан видеорепортаж

Бүген Болгар радиосының еллык велосәфәре узды. Алар "Казан - Болгар" маршруты буенча 200 чакрым юлны велосипедта үтте. Әлеге йөреш быел 7нче тапкыр уздырыла. Анда "Яңа гасыр" каналы җитәкчелеге, радио алып баручылары, журналистлар, татар эстарадасы йолдызлары катнашты.

Оештыручылар быел марафонны Идел буе Болгар дәүләтендә ислам динен рәсми кабул итүгә 1100 ел тулуга багышлады. Җырлы ике тукталыш һәм Болгарның үзендә - зур концерт турында ТНВ репортажында белә аласыз.