Камал театрында Разил Вәлиевкә 75 яшь тулуга багышланган әдәби-музыкаль кичә була

2022 елның 26 сентябрендә Галиәсгар Камал исемендәге Татар дәүләт академия театры бинасында Татарстанның халык шагыйре Разил Вәлиевкә 75 яшь тулуга багышланган әдәби-музыкаль кичә булачак. Бу хакта Татарстан язучылар берлеге хәбәр итә.

Кичәдә Татарстанның күренекле әдипләре, сәнгать әһелләре, җәмәгать эшлеклеләре, республикабыз җитәкчеләре һәм атаклы җырчылар катнашачак. Башлана 19.00 сәгатьтә.

Кичәнең сценарий авторы – Илсөяр Иксанова, режиссеры – Илдар Хәйруллин.