Илдус Габдрахманов:"Татарча сүгенмим, мине халкым аңламаячак дидем"

Актер Илдус Габдрахванов "Прорыв" фильмында төшкәндә, татарча сүгенергә кушкан булганнар икән. "Манзара" тапшыруында ул "мине халкым аңламаячак" дип җавап кайтаруы һәм альтернатива табуы турында сөйләде.

"Мин татарча сүгенмим, мине халкым аңламаячак, алай ярамый дидем. Шуңа "җанымны себерим" белән альтернатива таптым. Шуннан соң, танып белүчеләр артты. Күргән бер кеше сүгендең дип әйтә иде. Яхшылап карагыз әле, мин анда сүгенмәдем, дия идем", - дип сөйләде Камал театры актеры.