Казанда Россиянең һәм Татарстанның халык артисты Вадим Кешнерны соңгы юлга озаттылар

Казанда Россиянең һәм Татарстанның халык артисты Вадим Кешнерны да соңгы юлга озаттылар. Ул башкаланың Качалов исемендәге театрында 60 ел эшләгән шәхес.

Шушы вакыт дәвамында 120дән артык роль башкарган: «Обыкновенные истории» спектаклендә - Александр Адуевны, «Всего 13 месяцев"та — Пушкинны, «Быть или не быть» сәхнә әсәрендә - Уиллны уйный. 1977нче елдан Казан театр училищесында мөгаллимлек иткән. Качалов театры тамашачысының - яраткан артисты, укучыларның остазы була. Вадим Кешнерга март аенда 86 яшь тулган иде.