Рәшит Ваһапов тууына 115 ел уңаеннан Казанда төрле чаралар уза

7 майда татар халкының мәшһүр җырчысы Рәшит Ваһапов тууына 115 ел тулды. Шул уңайдан башкалада аның истәлегенә багышланган төрле чаралар уза.

Кичә Габдулла Тукай исемендәге татар дәүләт филармониясе бакчасында, җырчының һәйкәле янына аның иҗатын яратучы тамашачысы җыелган иде.

Ул үзенең "Кара урман", "Зөләйха", "Рәйхан" җырлары белән халык күңеленә кереп калган. Тантанада Татарстанның Дәүләт советы рәисе Фәрит Мөхәммәтшин да катнашты. Җыр һәм моң бәйрәменнән Инзилә Хөсәенова репортаж әзерләде.