Онлайн трансляция

Свернуть

“Юллар чатында" сериалында уйнаучы Рәдиф Галимов: "Миңа бу образда эшләве бик күңелле”

“Юллар чатында" сериалында уйнаучы Рәдиф Галимов: "Миңа бу образда эшләве бик күңелле”

https://tnv.ru

13 Июль 2023, 17:20

217

0

“Юллар чатында" сериалында уйнаучы Рәдиф Галимов: "Миңа бу образда эшләве бик күңелле”
Тиздән «ТНВ-Татарстан» һәм «ТНВ-Планета» каналларында чыгачак «Юллар чатында» сериалы геройлары белән таныштыруны дәвам итәбез.

Рәдиф Галимов сериалда кызыклы рольләрнең берсен уйный. Сериалдагы образы, гомумән, сериал турында ул безнең белән дә уртаклашырга булды.

«Мин Камал театры артисты булам, бу минем беренче тәҗрибә дип әйтик инде, беренче тапкыр сериалда төшәм мин, һәм монда заправщик ролен башкарам. Заправщик миңа бик охшаш, чөнки ул тормышта бик позитив, бар нәрсәдән дә кызык таба торган персонаж, шуңа миңа үземә дә эшләргә бик күңелле.

Халык бик яратып карар дип өметләнеп калабыз инде, миңа калса сериал бик әйбәт булачак. Эшләгән дәвердә күренә, кызык вакыйгалар да бик күп, көлдерә дә елата да шикелле, монда язмыш та бар, исеменнән үк күренә «Юллар чатында» булгач, үзе ниндидер табышмак булып тора», — диде ул.


Исегезгә төшерәбез, «Яңа Гасыр» телерадиокомпаниясе һәм «Ватан 21 гасыр» кинокомпаниясе төшерәчәк «Юллар чатында» сериалына старт бирелде. Проектны төшерү Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм «Татнефть» хәйрия фонды ярдәме белән гамәлгә ашырыла.

«Юллар чатында» сериалында тамашачыларга бер автозаправка станциясе кысаларында барган вакыйгалар, тормыш хәлләре турында сөйләнәчәк. Ягулык салу станциясе — юллар, кешеләр язмышлары кисешә торган урын. Бирегә һәркем үз уйлары, проблемалары, дөньяга карашы, тормыш «багажы» белән килә һәм һәрберсе үз юлын табарга тели.

Үрнəк саналган заманча ягулык салу станциясенə үзəк офистан Ясминә исемле яңа хезмəткəр җибəрəлəр. Ясминә исə килə-килештəн үзенең моңарчы җитəкчелек игътибарсыз калдырган тəкъдимнəрен тормышка ашырырга тотына һəм тиз арада нəтиҗəгə ирешеп барысына да ни дəрəҗəдə булдыклы икəнлеген исбатларга омтыла. Аның юлында көтелмəгəн бердəнбер киртə - шушында ук официант булып эшләүче элекке мəхəббəте Булат. Сүрелеп бетмəгəн хислəре, җитəкченең кырыслыгы белəн көрəшеп, Ясминә шундый үзгəрешлəр башлап җибəрə ки, аларга ияреп бөтен заправка коллективының һəм килүче клиентларның да тормышлары да көтелмəгəн борылышлар ясый.
Фото: ТНВ

Читайте новости в нашем Telegram и Дзен.



Комментарии 0

Аватар

Новости партнёров