Төрекләр Г. Камал театры сәхнәсендә спектакль куйды

Театр әһелләренә - яңа белем, ә тамашачыга - яңа спектакльләр. Казанда "Нәүрүз" халыкара театр фестиваль-форумы ачылды. Ул 8нче тапкыр уздырыла. Быел бездә Россиянең төрле төбәкләре һәм Казахстаннан сәнгать әһелләре җыелды.

Фестивалне Камал сәхнәсендә төрекләр ача. Әнкара артистлары "Гонзаго үлеме" спектаклен алып килгән. Аны Фәрит Бикчәнтәев узган ел Төркиягә барып куйган иде. Быел ул - "Нәүрүз"нең бер бизәгенә әйләнде.