Быел Галиәсгар Камал театры барлык премьераларын да яңа бинада куярга җыена

Быел Галиәсгар Камал театры труппасы барлык премьераларын да яңа бинада куярга җыена. Республика Рәисе карары буенча, төзелешне октябрь ахырында тәмамларга һәм тәүге спектакльне ноябрь аенда күрсәтергә планлаштыралар.

119нчы сезон - традиция буенча "Зәңгәр шәл" спектакле белән иске бинада башланып китәчәк. Яңасындагы мөмкинлекләрне исәпкә алып, быел репертуар да, артистлар саны да артачак, ди җитәкчелек.

Кичә алар сезон алдыннан журналистларга "пәрдә ачты". Теманы Инзилә Хөсәенова дәвам итә.