Танылган режиссёр, СССРның халык артисты Марсель Сәлимҗановны искә алдылар

Бүген татарның театр әһелләре - танылган режиссёр, СССРның халык артисты Марсель Сәлимҗановны искә ала. Аңа 90 яшь тулган булыр иде.

Камал театры артистлары Яңа Татар зиратына барып, каберенә чәчәк салды, хатирәләрне яңартып, рухына дога кылдылар. Марсель Сәлимҗанов - Габдулла Тукай янәшәсендә җирләнгән. Бүген аның истәлегенә Чехов урамының 53нче йорт диварына мемориаль такта урнаштырдылар.

Марсель Сәлимҗанов - Камал театрын төрки дөньяда иң көчле театрлар сафына чыгарган җитәкче. Ул монда 36 ел эшли. Бүген үзен артистлар да, тамашачылар да сагынып яши.