Илгиз Зәйниев Камал театры директоры итеп билгеләнде

Бүген Илгиз Зәйниев Галиасгар Камал театрына яңа җитәкче билгеләнде. Бу хакта театр матбугат хезмәте хәбәр итә.

"Камал театры үсешендә яңа юнәлешләр барлыкка килү һәм эшчәнлек киңәю сәбәпле, театрның баш режиссеры Фәрит Бикчәнтәев чакыруы буенча, «Әкият» курчак театрының сәнгать җитәкчесе Илгиз Зәйниев Камал театры директоры итеп билгеләнә. Ул театрның проектлар эшчәнлеге белән җитәкчелек итәчәк.

Исегезгә төшерәбез, Илгиз Газинурович Фәрит Бикчәнтәевнең укучысы һәм элек театрның режиссеры иде. Аның пьесалары һәм спектакльләре Камал театры репертуарында уңышлы бара.
Илфир Якупов Камал театры директорының беренче урынбасары вазыйфасына билгеләнә.

Фото: t.me/kamalteatr