Камал театры актрисасы әни булган

2025 елның иң кыска эш атнасын шатлыклы хәбәрдән башлыйбыз. Камал театры бинасында тагын бер сабый йөгереп йөриячәк. Театр матбугат хезмәте Илдар һәм Гүзәл (Гюльвердиева) Харисовлар гаиләсендә малай туды, дип хәбәр итә. Бу яшьләрнең икенче балалары.

"Улыгыз сәламәт, бәхетле, акыллы булып үссен! Гаиләгезгә сәламәтлек, бәхет, иминлек, балагызны тәрбияләүдә сабырлык, бары тик рәхәт мәшәкатьләр, куаныч-сөенечләр!", - дип язылган хәбәрдә.

ТНВ сайты хәбәрчеләре дә котлауларга кушыла! 

Фото: kamalteatr.ru