Ринат Таҗетдиновның хатыны Рәйсә ханым вафат булган

Россиянең һәм Татарстанның халык артисты Ринат абый Таҗетдиновның хатыны Рәйсә Измаил кызы вафат булган. Бу хакта Камал театры матбугат хезмәте хәбәр итә. 

"Галиәсгар Камал исемендәге Татар дәүләт Академия театры коллективы исеменнән кызларының, туганнарының, дусларының тирән кайгыларын уртаклашабыз. Ходай Сезгә тирән хәсрәтегезне күтәрә алырдай көч, сабырлык бирсен! Җаны тыныч, урыны җәннәттә булсын", - диелә хәбәрдә.

Исегезгә төшерәбез, 2024 елның 16 октябрендә арабыздан Ринат абый да китеп барган иде.

Фото: t.me/kamalteatr