Рөстәм Миңнеханов Татарстанда мәдәнияткә һәм сәнгатькә ярдәм грантларын арттырды

Татарстан Рәисе Рөстәм Миңнеханов мәдәният, сәнгать һәм кинематография өлкәсендәге проектларга ярдәм итү өчен билгеләнгән грантларны финанслауны арттыру турындагы указга кул куйды.

Хәзер бу максатларга бүлеп бирелә торган еллык сумма 384 млн сумнан артык тәшкил итәчәк. Алдан һәр ел 374,67 млн сум бүлеп бирелгән.

Карар кинематография, музыка, хореография һәм театр кебек өлкәләрдә әйдәп баручы коллективларның аеруча әһәмиятле иҗади инициативаларына ярдәм итүне көчәйтү өчен кабул ителгән.

Фото: rais.tatarstan.ru