Казанда Санкт-Петербургтагы дәүләт Эрмитажыннан китерелгән күргәзмәне ачарга әзерләнәләр

"Йосыповлар. Гасырлар аша зиннәт." Башкалада шулай дип аталган күргәзмәне ачарга әзерләнәләр. Аны Санкт-Петербургтагы дәүләт Эрмитажыннан китерделәр. 

Карарга килүчеләр үзләрен патша сараена эләккән кебек хис итәчәк. Тамашачыга 3 гасыр элек ясалган картиналарны, Россия империясендәге иң бай һәм тамырларында татар каны булган Йосыповлар гаиләсенең шәхси әйберләрен күрсәтәләр. 

Даими температура саклана торган тартмаларда китерелгән 400дән артык экспонатның кайберләрен Радик Гыймаев күреп кайтты.