Татарстан Рәисе башкаладагы берничә музейны карады

Татарстан Рәисе башкаладагы берничә музейны карады. Салих Сәйдәшев исемендәгесен быел капиталь яңартып ачтылар. Аның тарихи йөзен саклап калу зарур иде.

XIX гасыр мохите - югалмады дип хисап тоттылар Рөстәм Миңнехановка. Биредә ул атаклы композиторның нәсел дәвамчыларын да сәламләде.

Икенче объект Федераль дәрәҗәдәге мәдәни мирас дип саналучы - Евгений Боратынский музее. Аны "Мәдәният тармагында инфраструктураны үстерү" федераль проекты буенча төзекләндерделәр.