КазанЭкспода "Татар җыры-2026" гөрләде: ТНВ репортажы

Көтелмәгән дуэтлар, танылган сәнгать әһелләрен бүләкләү, легендар шәхесләрне искә алу. Бу ялларда "КазанЭкспода" урнашкан Илһам Шакиров исемендәге концертлар залында "Татар җыры" гөрләде.

Быел ул 26нчы тапкыр үткәрелә. Биредә татар эстрадасының төрле буын артистлары бер сәхнәдә очраша. Филүс Каһиров, Әнвәр Нургалиев, Эльмира Кәлимуллина, Салават Фәтхетдинов, Идрис Газиев, Айдар Галимов һәм башкалар. Шулай ук әлеге фестивальдә узып баручы елга нәтиҗәләр дә ясыйлар. Җыр-моң тантанасын хәбәрчебез Эльмира Имамиева күреп кайтты.