Казанда Татарстанның халык артисты Резидә Шәрәфиеваны искә алдылар

Казандагы "Чулпан" мәдәният үзәгендә Татарстанның халык артисты Резидә Шәрәфиеваны искә алу концерты узды. Милли җыр сәнгатендә тирән эз калдырган, бәрхет, моңлы тавышлы җырчыга 10нчы гыйнварда 60 тулган булыр иде.

24 еллык иҗат юлында ул халыкка 100дән артык хит бүләк итә. Бу көнне тамашачылар Резидә ханымның танылган җырларын аның иҗатташ дуслары, туганнары башкаруында ишетте. Теманы Эльмира Имамиева дәвам итәр.