Хөкүмәт йортында мәдәният турында җитди сөйләшү: Рөстәм Миңнеханов яңа алымнар тәкъдим итте

Авыл мәдәният йортларын җанландырырга, югалып барган кәсепләргә яңа тормыш бирергә, балаларны музей-театрларга җәлеп итәргә. Бүген Хөкүмәт йортында узган - Татарстан Рәисе каршындагы мәдәният һәм сәнгать советы утырышында шундый бурычлар куелды.

Анда Рөстәм Миңнеханов катнаша. Рәис тәкъдиме белән республикада уникаль һөнәрчелек үзәге төзелде. Анда элеккеге кебек балалар өчен укыту -җитештерү комбинаты булачак. Шул рәвешле яшь буында кызыксыну уятырга җыеналар. Халык театр-музейларга ешрак йөрсен өчен нинди алымнар кирәк? Кайсы районнар Пушкин картасыннан бик аз файдалана? Утырыштан Инзилә Хөсәенова репортажы.