“Балкыш” фестивале рекорд куйды: 27 мең катнашучы

Бүген башкаланың Пирамида концертлар залында "Балкыш" республика фестиваленең гала-концерты узды. Быел анда рекордлы санда - 27 мең кеше катнашкан.

Чараны берьюлы 3 вакыйгага багышлыйлар. Россия халыклары бердәмлеге, Хәрби батырлык һәм хезмәт фидакарьлеге елллары, Татарстан ветераннар оешмасының 40 еллыгы уңаеннан чыгышлар әзерләнгән. Быел ансамбльләр саны арткан, махсус хәрби операциядә катнашучыларга багышланган номерлар күбәйгән, үзләре иҗат иткән шигырьләр белән ешрак сәхнә тоталар.

Ничә яшьтә булуга карамастан, күңелләре мәңге яшь калучылар белән Инзилә Хөсәенова аралашып кайтты.